|
| 24/12 公司版味分高下, 一生不忘!!!!! 哈哈,平時係屋企睇就睇得多,不過試就真係第一次試~~~~~ 但係我都要多謝Catherine!!! 因為佢唔單止同我一齊玩, 而且仲好好彩咁揀中黑色果兩個杯飲品, 其實我都估到一半半咖啦, 真係係豉油同可樂呀... 如果唔係,我地就要飲白色嘅七喜同埋醋啦...... 相比起黎, 唔使飲醋, 真係要感謝神呀~~~ 因為飲豉油嘅話,我都仲可以忍到又或者可以扮到好好飲咁!!! 如果換咗係醋, 我諗一飲就即刻嘔出黎啦!!!!! 坐落去, 一睇就知我係飲豉油先啦, 因為杯上面有層油係度浮浮吓, 雖然好驚!!! 不過我都真係飲咗一啖~~~ 感覺上, 真係第一次真真正正咁飲豉油咖咋...... 雖然係爆鹹, 但係都可以飲咗佢, 無嘔度..... 仲可以飲完之後對住佢地笑添, 個一刻真係覺得自己好勇敢同埋好叻女呀!!!!! 最驚喜嘅係, 我地個組經過咗幾個味分高下必玩嘅遊戲之後, 真係贏咗呀!!!!! 果然, 玩身家大轉移係最刺激咖~~~~~ 哈哈, 最重要嘅係, 贏咗嘅我地真係有獎金分咖!!!!! 哈哈哈~~~ | | |
| 今日, 係我嘅舊校-全完中學開放俾小六學生, 家長參觀嘅開放日呀~~~ 由於妹妹9月就要讀中一啦...... 所以今日專登準時收工, 等我可以趕得切同佢一齊返去全完, 帶佢去睇下我以前讀書嘅地方, 到底係點嘅...預先熟習吓個環境, 等佢將來入去讀嘅時候, 都唔會覺得陌生呀嘛!!! 而且我亦都可以因利乘便, 一路睇之餘, 順便可以探吓我嘅老師呀嘛~~~ 尤其是係我至愛嘅班主任-廖太同埋我至敬愛嘅Ben Sir呀!!!!! 但係返到去先知, Ben Sir去咗帶隊, 見佢唔到, 有啲失望添... 計起上黎,自從學校實施果個要登記嘅新制度之後,返全完探老師,什至乎係返去行吓嘅次數, 真係稱得上寥寥可數呀...... 而家記返起上黎, 對上一次返去, 好似已經係兩年幾前嘅事黎啦..... 所以難得今日可以咁光明正大咁返去, 我又點可以錯過呢個機會呢? 所以就算幾忙都好, 點都要抽時間嘅!!!!! 返到去嘅時候, 見到門口有着住校服嘅學生歡迎我地嘅時候~ 我就諗返起我以前係全完嘅日子啦, 曾經都做過呢d工作咖!!!!! 見到呢班學生嘅時候, 就好似見到以前嘅自己一樣呀!!! 而且見到佢地嘅笑容, 感覺真係好親切咖~~~ 就真係好似返屋企咁呀!!!!! 平時放工返屋企經過嘅時候, 見到學校外觀仲好似我以前未離開果陣咁, 無咩變到...但原來唔入到去都唔知, 一入到去睇嘅時候, 原來學校入面嘅景觀, 同埋課室已經變咗好多啦!!!!! 最明顯嘅就係學校係火牛房果幅好靚嘅壁畫, 已經消失咗啦...... 見到已經變成油咗白油, 真係覺得有啲失落同埋可惜...... 不過可能第時會有幅更靚嘅出現係學校都唔定!!!!! 同埋上樓參觀嘅時候, 先至知道原來音樂室已經由原本嘅5樓, 搬咗落3樓啦!!! 仲好記得中一嘅時候, 有一日嘅第一堂就係上音樂堂, 結果早會完咗之後, 我地就成班揹住重重嘅書包, 由地下直上到5樓上堂, 都咪話唔少野!!! 亦因為咁, 所以本來係3樓嘅縫紉室都無埋lu......地下嘅G01室變埋6A班嘅課室囉~~~ 當行過3樓5A班嘅課室嘅時候, 又諗起果陣嘅點點滴滴, 果刻真係百般滋味在心頭呀!!!!! 亦驚覺時間真係過得好快呀...... 眨吓眼, 原來今年已經係離開全完嘅第4年啦!!! 參觀完學校一圈之後,就去咗禮堂到聽野啦. 原來今年9月, 會行新高中嘅334制啦, 同我讀書果陣時, 又有明顯嘅轉變...... 高中嘅時候仲用英語教學添呀, 到時希望妹妹適應到啦!!! 本來諗住探廖太咖, 不過見到門口貼咗擬卷期間嘅紙係門口, 所以打算放棄咖啦....... 但係心諗, 既然都已經返咗黎, 點都要同廖太見一面, 等佢可以放心吓!!!!! 因為暑假嘅時候, 同廖太講咗一啲轉變, 驚佢會擔心呀, 所以要親自同佢講,我而家嘅生活係點~~~ 不過未見廖太之前, 我就探咗靚靚嘅書記-伍小姐, 初時我仲以前佢已然無做啦, 所以我見到佢都覺得有啲驚訝, 不過無變嘅係, 佢仲好似以前咁, 一樣都係咁靚呀!!! 之後就係門口見到我嘅地理老師-高高啦. 不過見佢同學生講緊野, 就無謂打擾佢lu...... 跟住我就請陳老師幫我睇吓廖太走咗未, 好在佢未走咋...... 總算可以見到佢啦~~~ 廖太都好似以前咁, 無咩變到, 反而我覺得高高瘦咗好多, 塊面尖咗呀...... 唔知係咪做野做到好辛苦呢? 一定要保重身體呀!!!見到廖太, 真係有太多野想同佢講啦!!! 一時唔知點講好...... 佢同高高都見到我個妹妹, 仲同佢傾偈添呀, 又同佢講話呢度啲Miss 個個都好靚咖!!! 又同佢講我以前係度係點, 仲鼓勵佢要努力讀書, 咁我就算撐得幾辛苦都好, 都係值得嘅!!! 聽到呢度, 唉,我啲眼淚又唔聽話啦...... 咁岩我中二嘅班主任馬太經過, 問我而家點??我答佢返緊工, 之後問我做咩行業??問我有無努力?? 有無向上?? 聽到咁, 真係覺得有啲慚愧呀...... 最後又鼓勵我要努力, 真係多謝你!!! 廖太同高高仲應承我, 如果第時妹妹真係入去讀嘅話, 就會幫我好好睇住佢同照顧佢, 仲講笑話要等佢好似我咁, 參加社會科學學會, 做個歷史人同埋地理人添呀, 我真係好開心同感激呀, 多謝哂你地呀!!!!! | | |
| 尋日, 應胡sir嘅邀請, 返左學校同班中六嘅同學分享考高考經驗, 亦因為咁, 所以至可以有時間同我中五時候嘅班主任-嚴sir傾偈!!! 唔知係咪神係度安排呢??令到我可以同嚴sir傾咗成個幾鐘頭, 本來好怕會阻到佢, 點知佢話佢下午請咗假, 所以我至可以同嚴sir傾咁耐咋. 我諗一定係天父為我安排咖~天父一定知道我撐得好辛苦, 因此尋日俾咗一個好好嘅機會我,可以同嚴sir毫無保留, 毫無隱瞞咁講哂我想講嘅野俾佢聽, 講完之後, 已經覺得好好多啦!!! 其實我知嚴sir一直都好關心我, 因為雖然嚴sir係中六同中七都已經無再教我啦......但係佢並無因為呢個事實而無理我, 反而仲係我當值嘅時間去問候我嘅當時情況係點, 俾咗好多意見我, 係我諗緊drop唔drop中史嘅時間,去同我慢慢咁分析當中嘅利同弊. 當我坦白咁同佢講我嘅中史成績考得唔係咁好嘅時候, 佢就好有耐心咁教我應該點做, 應該點答, 第一步要了解嘅係乜咩~ 嚴sir我仲好記得你同我講過乳豬全體嘅理論咖, 雖然最終考出黎嘅成績不如我所願, 不過唔緊要,我已經接受咗啦!!! 哎呀, 我愈來愈發覺, 好似每次對住嚴sir個樣, 永遠都只係得返一個......就係每次好想同自己講, 一定唔可以係嚴sir面前喊, 唔可以令佢擔心我嘅時候, 唔知點解, 啲眼淚硬係就係唔肯聽話, 唔但止係咁流, 仲要係一流就好難停得到添呀...... 唉, 數起上黎, 尋日係我第三次係佢面前喊啦, 仲要係喊得最耐, 最緊要嘅一次添呀...... 仲要每次都係我面臨放榜嘅時候, 拎到張cert 想同佢講, 係想開口嘅時候, 就會開始爆發咖啦......真係覺得有啲醜怪......但係又真係改唔到!!! 我諗嚴sir第一次見到我喊果陣個樣, 一定係嚇親佢啦......睇怕尋日都會係咁咖啦......每次當我有困難, 走去同佢講嘅時候, 佢總係永遠慢慢同我一齊分析, 俾好多意見我~~~ 唔知點解,我係嚴sir面前講我嘅事嘅時候, 可以毫無保留, 毫無隱瞞咁講哂我想講嘅野俾佢聽, 一啲都唔會覺得唔好意思, 唔會覺得羞恥, 更加唔會覺得自卑囉… 但係當我對住一個人我所愛嘅人講嘅時候, 我就覺得好羞恥, 係佢面前好似抬唔起頭咁......反而好唔想俾佢知... 我又怕佢唔知會點諗,又驚佢介意,總之就唔想俾佢知啦...... 我都唔知點解會咁, 所以尋日就同嚴sir講哂我原本想同佢講嘅心底話!!! 如果佢可以好似嚴sir咁就好啦, 講幾句鼓勵吓我嘅說話就好啦,對我黎講就已經好夠啦,不過...... 都係算啦. 尋日, 係115室同嚴sir傾偈嘅時候, 雖然自己已經覺得好細聲, 但係我覺得115室咁靜, 一定俾好多老師聽到我嘅事咖啦, 又或者就算聽唔到我講都好啦,都會聽到我嘅喊聲...... 就算聽唔到,經過見到我個樣,我諗佢地都可以估得到一啲啲咖啦......不過我都唔會在意,因為有嚴sir係度呀嘛!!! 難得嚴sir肯聽我講~~~ 同嚴sir傾咗好多野呀, 無論係家庭, 工作, 學業, 同朋友嘅相處, 簡直係無所不談!!! 真係好啦~~~ 其實由5月開始到而家, 我都好老實咁同嚴sir講, 自己係呢段時間,經歷咗好多事,真係真正體會咗好多野, 感受好深......嚴sir都話覺得我又比起以前更加成熟, 諗野嘅角度又闊咗,又大個女咗啦!!! 我知道嚴sir佢真係好愛護我呢個學生咖!!!!! 尋日嚴sir同我講咗好多鼓勵我嘅說話, 係個一刻, 我真係好開心, 甚至有啲受寵若驚添呀!!! 因為佢好認真咁同我講, 雖然我而家行緊嘅路係唔同我原先所諗嘅咁樣, 但係佢深信我將來嘅成就一定不止於止, 一定會好好!!! 聽到呢句嘅時候,我真係好開心呀~~~嚴sir, 真係好多謝你!!! 係家庭方面, 我一定會抽多啲時間去關心, 請你放心啦!!! 至於工作方面, 我一定會努力, 去為將來好好咁鋪路, 等自己行起上黎, 可以更加舒服~~~ 學業方面, 我一定唔會捨棄咖, 雖然而家要暫時放棄,不過終有一日, 我一定會重拾起學生呢一個身份咖!!!!! 至於朋友方面, 你同我講, 一個可以被視為真正嘅朋友係可以共患難嘅, 我個陣係度諗, 到底我而家所識嘅朋友入面, 真係唔知有幾多個可以值得我繼續交下去啦...... 雖然我知道有啲人已經離我愈來愈遠啦, 不過好在, 我仲知道愛護我嘅朋友都仲有唔少!!! 我知其實嚴sir同胡sir都好錫我咖!!! 尋日難得胡sir唔介意俾我坐佢個位, 可以舒舒服服咁同嚴sir傾偈!!! 仲同我講, 你地慢慢傾啦, 借埋個位俾你坐都得, 胡sir, 唔該哂你呀~~~~~ 不過之後因為佢同Miss Ma有野要做, 所以我同嚴sir傾咗個幾鐘就要走啦, 嚴sir仲話同我一齊走添呀, 真係太好啦!!! 仲同我講, 有事嘅時候, 可以隨時打電話俾佢, 又或者係胡sir呀~~~ 仲話岩啦, 得閒咪返黎搵我傾偈囉, 我由訓育組調咗去輔導組, 係咪估唔到呢? 聽到呢句, 我地都一齊笑啦!!! 有咁愛護我嘅老師, 真係覺得好開心呀同幸福呀!!! 以前係全完嘅時候, 有廖太同Ben sir~~~ 而家係呢度, 就有你地---嚴sir同胡sir啦!!! 好想好大聲咁同你地講, 我好愛你地呀!!!!! | | |
| 真係咖, 我知道你心入面有我就已經好夠啦, 其他嘅事, 都已經唔重要啦~~~ 咩都唔使再講, 一切心照就好啦!!! 無論我地嘅關係, 係點都好~ 你都一定要記住呀, 無論發生咗咩事都好, 記得要話我知呀~ 因為你永遠都有我同你一齊分擔咖!!!!! 願我倆的情誼, 可以同伯牙子期咁, 一生不變!!!!! | | |
| 好耐都無打日記啦...... 雖然係咁, 但係今日我並唔係想打日記, 而且想打一封信!!! 因為今日係9月16號啦, 亦都係一位對我黎講好重要嘅朋友離港嘅日子...... 其實我有好多野想同佢講咖, 不過因為我係一個將好多野都收埋係心入面唔講出黎嘅人, 所以好多放係心入面嘅說話都講唔出口俾佢聽, 咁亦係我想打呢一封信嘅原因之一~ 而第二個原因係因為我已經無勇氣再去將呢一封信交俾佢啦, 我亦唔奢求佢會睇到, 就算佢睇唔到都唔緊要, 因為我只係想將我嘅感受講發出黎咋~~~ 而且我唔知你仲會唔會願意花幾分鐘嘅時間再去睇我寫俾你嘅信啦, 所以你嘅新地址, 我到而家一直都無再主動咁問過你...... 可能你根本就唔會在乎我寫俾你嘅信, 又或者你更期待收到其他人寫俾你嘅信~~~ 你知嗎? 每次我去寄信俾你嘅時候, 我就成日都會諗, 到底你嘅樣會係點咖...... 但係今次, 我唔會再諗你嘅樣會係點啦 ... Dear...... 唉, 我都已經唔識點樣去寫抬頭啦...... 比着以前, 我一定諗都唔使諗就會寫 Dear我嘅好知己, 但係而家, 我真係唔知應該點樣形容好啦...... 因為我覺得而家嘅我同你嘅關係, 真係仲唔知算唔算稱得上為好朋友, 甚至係好知己啦...... 你知嗎,我真係覺得而家嘅我同你甚至唔稱得上算係朋友添呀...... 因為就算係朋友, 你起碼耐唔耐都會打電話問候一下佢嘅近況啩~~~ 比着以前, 你得閒就會打俾我同我傾偈咖啦, 有時甚至傾到半夜三更都唔願收線去瞓覺...... 但係而家, 我就連覺得打俾你都需要好大嘅勇氣呀!!!!! 因為我唔知要點面對你會用咩嘅語氣同態度同我講野...... 好彩嘅時候你都會用客客氣氣語氣同態度黎同我講野嘅, 遇着唔好彩嘅時候, 就好唔耐煩咁問我一句乜事, 問完就會收線...... 你有無諗過你咁樣我會好驚咖??? 或者我真係揀中咗一個你好唔得閒嘅時候打俾你, 但係我諗你都唔使咁啩, 吓話??? 有時我又會諗係咪我又做咗一D事激嬲你, 所以你先會咁...... 呢三個幾月黎, 我真係好掛住嗰個係聖誕節個排同我傾電話傾到唔肯收線嘅好知己...... 到底嗰個好知己去咗邊呢??? 因為我同你識咗咁耐, 你就算心情有幾唔好, 你都未試過咁樣咖......但係點解而家你會咁咖, 我諗你都唔會咁對朋友啦, 更何況呢個係我??? 我仲以為你都會好似之前咁, 夜晚會打俾我同我傾偈, 我由一直嘅期待已經變到不存任何期望啦...... 一直以黎, 我以為我係你心目中嘅位置, 同你係我心目中嘅位置係對等咖,但係事實並唔係咁, 可能一直以黎只係我自視過高, 以為自己對你黎講係好重要, 不過經過呢三個幾月嘅時間, 我就真係真真正正咁睇清楚我係你心目中嘅位置啦...... 我仲好記得, 上次聖誕節嘅時候, 我三日無搵過你, 你就第四日打黎問我做咩唔搵你啦~~~ 但係今次你返黎呢段時間, 我唔打俾你, 你就好似一D都唔在乎咁......就算我打俾你, 你都未必第一時間去聽啦...... 有時甚至唔聽, 之後又唔會主動打返俾我...... 仲有,係你返黎之前, 識咗你7年咁耐, 我每一次都可以好驕傲同自豪咁同我身邊嘅所有人講, 我好幸運同感恩, 因為我有一個識咗7年以黎都無同自己嗌過交嘅好知己, 唔單只了解我,而且仲對我好好添!!! 只要我出聲, 佢就會幫我咖啦, 有時甚至一個眼神, 大家就已經知道對方嘅諗法~~~ 但係今次你返黎, 我真係覺得好多野都變咗, 可能你都講得岩, 變嘅唔只係你, 我都不知不覺咁係度變緊...... 你知嗎? 前幾日放工嘅時候搭地鐵返屋企嘅時候, 收到你打黎嘅電話, 個一刻真係好開心咖!!! 點知你打黎原來係問我拎返電話卡, 聽到之後當堂DOWN哂...... 好日都唔打黎同我傾偈, 一打就咁...... 我知張電話卡係有錢, 但係我剩係想講, 其實我唔係介意你拎返, 只係我唔捨得咋...... 因為佢已經陪咗我成十個月啦!!! 呢十個月黎,無論我去邊, 我都會帶住佢係身咖, 就算係考A-Level, 亦都唔例外咖~~~ 你一定無諗過我會咁做啦, 如果唔係, 點會聽到我帶住張卡係身, 就好似以為我講笑咁, 唔單只驚訝, 而且仲係咁問我做乜點解會隨身帶佢...... 你都知我好鍾意讀History, 我諗你都好清楚讀History嘅其中一個條件就係對時間好敏感,要好好記清楚咩時間, 發生過甚麼歷史事件!!! 不過呢排發生嘅事,我就真係好唔想一件件記得咁清清楚楚, 奈何你同我地好多朋友一樣, 知我嘅記憶力有幾好, 想唔記得都幾難, 但係我信時間會幫到我, 慢慢唔再執意記住唔開心嘅事...... 畢竟已經發生咗, 過去咗嘅事就由得佢過去啦, 要開心嘅, 已經開心過~ 要傷心嘅, 已經喊過~ 要嬲嘅, 都已經嬲過啦...... 我諗你一直都以為你俾咗一個意外驚喜我, 我係一D都唔開心, 但係其實你睇唔到我上咗地鐵之後不停傻笑嘅樣, 因為我真係無諗過你會提早返黎咖, 所以根本就無任何嘅無心理準備, 有D唔慣, 同不知所措je~~~ 仲有, 你問我記唔記得我地之間所發生過嘅事, 我真係無諗過你都會去一件一件咁用心去記住咖, 我仲以為只有我一個會咁傻去記住呢D事, 所以當我聽到你講返嘅時候, 真係覺得好喜出望外咖!!! 到咗而家,我一直都仲係度諗,係咪真係因為我行錯一步,做錯咗嗰個決定,所以至搞到我地變成咁...... 我真係唔知...... 不過算啦, 所有嘅事都過去咗啦!!! 有一樣野好想講你知, 以前你成日係我面前唱一隻歌,你話過你永遠都記得點唱, 其實我又好想話你知, 我都有一隻歌好想俾你知,叫做 一直掛念 , 不過你都未必會知隻歌講乜...... 每次唱K, 有機會嘅我都會唱一次咖, 好想有機會唱一次俾你聽~~~ 唔理之後嘅我地會變成點, 但我仍然好想同你講一句,我仲係同以前一樣...... | | |
|
